دروست کردنی عیلاقات تەنها بەخشینەوەی بزنس کارت نییە!

ڕێنمایی یەکەم: پێشوەختە خۆناساندێکی ڕێکخراو Sales Pitch ئامادە بکە

خۆناساندنی ڕێکخراو بریتییە لە کورتەیەک دەربارەی:
تۆ کێیت؟
چی دەکەیت؟
بەها و ئامانجەکانت چین؟
چۆن جیاوازیت لە ڕکابەرەکانت؟
دەکرێت کە خۆناساندی ڕێکخراوی خۆت لەبەربکەیت و کەسی پێویست بوو بیڵێیت.
بۆ نموونە:
“من ناوم داوەرە. لە ژێر درووشمی ‘با دەرفەتەکان تۆ بدۆزنەوە’ هاوکاری کەسانی پیشەیی و کارسازان دەدەم کە گەشە بە براندی کەسیی خۆیان بدەن لە ڕێگای سۆشیاڵ میدیاوە و جەخت لەسەر گەشەدان بە توانستی گفتوگۆی کاریگەر دەدوم لەسەر ستەیج و لەبەردەم کامێرادا”

ڕێنمایی دووەم: بۆنە و کۆبونەوەی دروست و پەیوەست بە بوارەکەی خۆت هەڵبژێرە و لە کاتی خۆیدا ئامادەبە

کۆبونەوە گشتییەکان جێگایەکی زۆر باشن بۆ بەسترانەوە بە کەسانی پیشەیی و دروستکردنی عیلاقات.   دروست بپۆشە و لە کاتی خۆیدا ئامادەبە
ئەو بۆنانە هەڵبژێرە کە کەسانی لە خۆت زیرەکتر و بەتواناتری لێیە.

ڕێنمایی سێیەم: لەبری زۆر قسەکردن، زیاتر پرسیار بکە

زیاتر جەخت بخەرە سەر گوێگرتن لە ئامانج و پلانی ئەوانی دیکە.
پرسیاری قوڵ و بەهادار بکە، وەک، “چ شتێک هاندەربوو کە لەو بوارەدا کار بکەیت؟”
بە تاسەوە گوێبگرە و ئارەزوو پیشانبدە لە قسەی ئەوانی دیکەدا.

ڕێنمایی چوارەم: بەها ببەخشەرەوە نەک تەنها بزنس کارت!

باسی ئەو سەرچاوانە بکە کە سودیان هەبووە بۆت، وەک کتێب و پۆدکاست.
خەڵکی ڕێزی ئەو کەسانە دەگرن کە سوودیان پێدەگەیەنن و زیاتر ئەو کەسانەیان بیردەمێنێت.

ڕێنمایی پێنجەم:  خەڵکی ئاشنا بکە بەو هەژماری سۆشیال میدیای کە ناوەڕۆکی لێ بڵاو دەکەیتەوە

سۆشیاڵ میدیا ناوەندی بەردەوام درەوشانەوەی براندی کەسیی تۆیە، بۆیە بیناسێنە بە خەڵکی و بیانکەرە فۆڵۆوەری هەمیشەیی خۆت.
هەژماری ئەو کەسانەی چاوپێکەوتنیان لەگەڵ دەکەیت فۆڵۆو بکە و بە چالاکی لایک و کۆمێنتیان بۆ بکە، ئەمەش وا دەکات بە بەردەوامی ببەسترێنەوە بەیەکەوە

بیرتبێت، دروستکردنی عیلاقات زیاترە لە تەنها بەخشینەوەی بزنس کارت، بەڵکو بریتییە لە بەخیشینەوەی بەها و دروستکردنی پەیوەندییەکی درێژخایەن