ئەو ڕێسا شاراوەیەی کە هەرکەسێک بەکاری بهێنێت لە سۆشیاڵ میدیا سەرکەوتوو دەبێت!

١.  بیرۆکەی تایبەت بە خۆت بدۆزەرەوە:
پرسیار لەخۆت بکە تۆ کێی؟ وە جیاوازیت چییە لەگەڵ ئەوانی تر؟ چ ئەزمونێکت هەیە کەکەسانی تر نیانە؟ دەتوانیت چ کێشەیەک چارەسەربکەیت؟
بۆ نموونە ئەگەر مامۆستای وانەیەکیت تەکنیکی جیاوازی تۆ چییە لە مامۆستاکانی تر بەهرەی چیت پێیە بە ناوەڕۆکێکی ڕەسەن دایبڕێژە.

٢.  کەسایەتی خۆت نیشان بدە:
ڕاستگۆبوون باشترین ستراتیژییە بۆ دروستکردنی پەیوەندی لەگەڵ خەڵک.
بۆ نموونە با پۆستت هەبێ دەربارەی شکستەکانیشت بێزارییەکانت سەختییەکانت دانبنێ بەهەڵەکانت، بەشێک بە لە ژیانی ڕاستی و هەستەکانت چونکە خەڵک ئەو ناوەڕۆکانەی خۆشدەوێت کە بەشێکن لە واقیعی ژیانی ئەو.

٣.  بەردەوامبوون:
ناوەڕۆکی ڕەسەن کاتی دەوێت تۆ ناتوانیت لە شەو ڕۆژێکدا ببیت بە ئەستێرەیەک لە دنیای سۆشیاڵ میدیا دا، کورد جوانی وتووە هەرگیز لە پڕێک نابی بە کوڕێک، بۆیە بەردەوامبوون و کۆڵنەدان لە دروستکردنی ناوەڕۆکی ڕەسەن تاکە بژاردەی گەیشتنە بەو ئامانجەی کە هەتە لە سۆشیاڵ میدیادا.

لەم بەشەدا باس لە بەکارهێنانی کۆمەڵێک ستراتیژی جیاوازی سۆشیاڵ میدیا دەکەین بۆ دروستکردنی ناوەڕۆکی ڕەسەن:
١. ناسینەوەی ئامانج و ناسنامەی براندی کەسیی خۆت لە سۆشیاڵ میدیا:
ئامانجەکانت دیاری بکە، ئەتەوێت ببیت بەکێ لە سۆشیاڵ میدیا و وە چ خزمەتێک پێشکەش بکەیت.

٢. دروستکردنی ناوەڕۆکی کوالێتی و بەرچاو:
بەکارهێنانی وێنە و ڤیدیۆی پیشەیی بە کوالێتی کاریگەری ناوەڕۆکەکانت زیاتر دەکات و زیاتر دەیخاتە بەرچاو وە لەگەڵ نووسینی بڕگەی سەرنجڕاکێش لە ڕێگەی کاپشنەوە بۆ هاندانی خوێنەر بۆ مانەوە لەسەر پۆستەکانت.

٣.  بەکارهێنانی ستراتیژییەکانی ئەلگۆریزم:
کاتی گونجاو هەڵبژێرە بۆ پۆستکردن بزانە خوێنەر و بینەرەکانت لە چ کاتێکدا چالاکن.
بەکارهێنانی ووشە کلیلی گونجاو و هاشتاگ ڕێگایەکی کاریگەرن بۆ گەیشتنی زیاتر بە خەڵک.

٤. پەیوەندیکردن لەگەڵ گروپی بەئامانجگیراوت:
پەیوەندی بکە بە گروپی بە ئامانجگیراوت لەڕێگەی وەڵامدانەوەی کۆمێنت و نامەکانیان بە دروستکردنی کۆمەڵگایەکی هاندەر کە بمێننەوە لەسەر ناوەڕۆکەکانت.

دەتوانین بەو ڕێگایانەی کە باسمان کرد ناوەڕۆکی ڕەسەن دروستبکەین بەڵام چۆن بتوانین ئەو ناوەرۆکە ڕەسەنە بەکاربێنین بۆ گەورەکردن و گەشەدان بە براندی کەسیی، ئەویش لەڕێگەی ئەم دوو ستراتیژییەوە:

١. ناساندنی کەسایەتی و بیرۆکە تایبەتییەکانت بە هاوبەشیپێکردنی ئەزموون و چیرۆکە کەسییەکانت چونکە خەڵک حەز لە پەیوەندی ڕاستەقینە و پێشکەشکردنی بیرۆکەی جیاواز دەکەن.

٢. بەکارهێنانی ستراتیژییەکانی SEO بۆ گەورەکردن و فراوانکردنی بینینی ناوەڕۆکەکانت و دۆزینەوەیان لەلایەن خەڵکی ئەویش لەڕێگەی بەکارهێنانی ووشە کلیلی گونجاو بۆ دەرکەوتنی زیاتر لە سێرچ دا وە پشت بەستن بە ناوەڕۆکی پێشوو کە تەکنیکی internal linking ی پێ دەوترێت کاتێک کە ناوەڕۆکەکانت بەیەکەوە دەبەستیتەوە ئەوا کاریگەری ناوەڕۆکەکانت زیاددەکات.

لە کۆتاییدا ناوەڕۆکی ڕەسەن تەنها پۆستێکی سۆشیاڵ میدیا نییە بە تەنها بەڵکو ڕێگای دروستکردنی کۆمەڵگایەکی بەهێزە بۆ ناساندنی پسپۆری و براندی کەسیی کاریگەری خۆت و گەشەدان پێی بەبەکارهێنانی ئەو ستراتیژییانەی کە باسمان کرد تۆ دەتوانیت کاریگەری خۆت لە ڕێگەی ناوەڕۆکەکانت لەسەر خەڵکی زیادبکەیت،
گەشەدان بەبراندی کەسیی خۆت کات و زیرەکی دەوێت کە تۆ توانیت بەڕێگایەکی دروست جێبەجێی بکەیت ئەوا دەتوانیت کاریگەری خۆت لەسەر خەڵک لە سۆشیاڵ میدیادا زیادبکەیت، 

هەمیشە لەبیرت بێت ناوەڕۆکی ڕەسەن تەنها ناوەڕۆکێکی ئاسایی نییە بەڵکو چارەسەرکاری کێشەیەکی خەڵکە کە تۆ دەیکەیت ئەگەر بێتو ناوەڕۆکەکەت بە ڕاستی خەڵک بەلای خۆیدا ڕابکێشێت سەرکەوتن خۆیی دێت!