بڵاوکراوەی ئەم هەفتەیە چی لە خۆی دەگرێت؟
١. گرنگی Lead وەک پردێک بۆ دروستکردنی متمانە لەگەڵ کڕیار
.٢. قۆناغەکانی گۆڕینی فۆڵۆوەری ئاسایی بۆ Lead.
بەرهەمی باش بەتەنیا بەس نییە! گەورەترین کێشەی کارسازانی ئەمڕۆ ئەوەیە کە پارەیەکی زۆر لە مارکێتینگدا خەرج دەکەن، بەبێ ئەوەی بگەنە ئەو ئەنجامەی خەونی پێوە دەبینن.
ڕاستییەکەی ئەوەیە کە زۆرکات لەوانەیە کێشەکە لە بەرهەمەکەدا نەبێت، بەڵکو لە شێوازی گەیاندنی پەیامەکە بێت بەشێوازێکی هەڵە.
نهێنی فرۆشتنی سەرکەوتوو لەوەدایە کە بزانیت چۆن فۆڵۆوەرەکانت دەگۆڕیت بۆ Lead, چونکە تەنیا لەم قۆناغەدا دەتوانیت متمانەی ڕاستەقینە دروست بکەیت و پڕۆسەی فرۆشتن لە ماندووبوونەوە بگۆڕیت بۆ چێژ.
Lead چییە و بۆچی گرنگە؟
Lead بە کوردی دەتوانین بڵێین کە کەسێکە ئارەزووی خۆی نیشانداوە بۆ بەرهەم یان خزمەتگوزارییەکەت و براندی کەسیی تۆ بەتایبەتی، وە زانیاریی پەیوەندیی خۆی وەک ئیمەیڵ، ژمارەی مۆبایل یان هەر شتێکی بەردەست خستووە لای تۆ و ئامادەیە گوێ لە تۆ بگرێت، وە پەیوەندی و دۆزینەوەی ئاسانە و بەردەستە.
واتە ڕەنگە هێشتا کڕینی ئەنجام نەدابێت، بەڵام زۆر ئاشنایە بۆ تۆ و بەرهەم یان خزمەتگوزارییەکەت. واتە پلەیەک لە فۆڵۆوەر بەرزترە، بەڵام هێشتا نەبووەتە کڕیار.
جیاوازی لە نێوان کڕیاری ڕاستەوخۆ و Lead ئەوەیە کە کڕیار ڕاستەوخۆ بەرهەمەکەت یان خزمەتگوزاریەکەت تاقی دەکاتەوە بەبێ دروستکردنی متمانەیەکی بەردەوام، دۆزینەوەی و بەردەوام هێشتنەوەی و خۆپیشاندانی قورسە بەڵام Lead ئامادەیی و ئارەزوو و پێویستییەکانی خۆیی نیشان داوە کە ئامادەیە گوێت بۆ بگرێت و بەرهەم و خزمەتگوزارییەکەت بەوپەڕی متمانە و باوەڕیەوە تاقی بکاتەوە،
هەڵەیەکی کوشندەیە ئەگەر پێش دروستکردنی متمانە، داوای کڕین بکەیت.
پڕۆسەی Lead Generation پردێکە بۆ ناسینی وردی کڕیار و کۆکردنەوەی Leadەکان لە لیستێکدا، ئەمە وا دەکات کاتت تەنیا بۆ ئەو کەسانە تەرخان بکەیت کە بەڕاستی دەیانەوێت پاشەکەوتی خزمەتگوزارییەکانت بن.
لە بری ڕاکردن بەدوای کڕیار هەوڵ بۆ کۆکردنەوەی Lead بدە
کێشەی ڕێگای کۆنی بازرگانی ئەوەیە کە زۆر لە کارسازان پارەیەکی زەبەلاحیان بۆ ڕێکلام کردن خەرج دەکەن کە ڕاستە لەوانەیە ڕێکلامەکە بگات بە هەزاران کەس، بەڵام لەو هەزارەها تەنها چەند کەسێک کڕیاری ڕاستەقینەی ئەوانە. ئەمە وەک ئەوەیە وایە بە چاوبەستراوی تیرێک بهاوێژیت و هیوات وابێت کە ئامانج دەپێکێت.
چارەسەر بریتییە لەوەی لەبری هەوڵدان بۆ فرۆشتن بە هەموو کەسێک و سەیرکردنی هەموو کەسێک وەک کڕیار، سەرنجت بخەیتە سەر کۆکردنەوەی زانیاریی و باشتر تێگەیشتن لە ئەو کەسانەی کە بەڕاستی ئارەزووی بەرهەم و خزمەتگوزارییەکانی تۆن(گروپی بەئامانجگیراو) بۆ دروستکردنی گروپێک وەک Lead بۆ براندی تایبەت بەخۆت.
ڕێگەکانی کۆکردنەوەی Lead جۆراوجۆرن و دەتوانیت هەرکام لەوانە بەکاربهێنیت کە گونجاوی بزنسەکەتە، بەنموونە:
فۆڕمی خۆتۆمارکردن لەسەر وێبسایت بە پێشکەشکردنی شتێکی بەنرخ بەخۆڕایی وەک وێبینارێک یان ڕاوێژکاری بەخۆڕایی یەکێک لە باشترین ڕێگەکانە.
لە سۆشیاڵ میدیا دەتوانیت ئۆفەری تایبەتت هەبێت تەنها بە ئەو کەسانە پێشکەش بکەیت کە خۆیان تۆمارکردووە وەک ئەندامێک لە گروپێکی تایبەت بە بزنسەکەت یان پەیجەکەت و زانیاریەکانیان پێت دەدەن.
پەروەردەکردنی Lead چییە؟
پەروەردەکردنی Lead ڕێگەیەکی کاریگەرە بۆ هێشتنەوەی Lead و دانەبڕان و باشترکردنی پەیوەندی لەگەڵیاندا بەو شێوەیەی کە تۆ هەمیشە ئەوانت لەبیرە و لە خەمی کێشەکانیان و لە هەوڵی دۆزینەوەی چارەسەری کێشەکانیاندایت بەنموونە:
گرتنەبەری ڕێگای ئیمەیڵ مارکێتینگ ڕێگایەکی زیرەکانەیە لە ڕێگەی ئیمەیڵی خۆکار کە زانیاریی بەنرخیان پێشکەش بکەیت، لە ڕێگاکان و ئاستەنگیەکانیان دا ببیت بە بیرخەرەوەیەکی کاریگەریان.
جگە لە ئیمەیڵ مارکێتینگ، ناوەڕۆکی بەنرخیان پێشکەشبکە لەڕێگەی بڵاوکردنەوەی ناوەڕۆکی درێژ وەک بڵۆگی سوودبەخش کە چارەسەری کێشەکانیان دەکات، ڤیدیۆی درێژی یوتیوب و وێبینار و گێڕانەوەی چیرۆک و باسکردنی ئەزموونی بەشداربووانی خزمەتگوزارییەکان و کڕیارانی بەرهەمەکان لە پێشتردا بۆ ئاستەکانی Intermediate و Advanced ی Lead
"بەدوای کڕیاردا ڕامەکە، متمانە دروست بکە، Lead کۆ بکەرەوە، خۆیان دێنە لات."
نمونەیەک کە چۆن دەتوانیت Lead پەیدا بکەیت
بۆ ئەوەی باشتر لە چەمکی Lead Generation بگەیت، با سەیری ئەم نموونەیە بکەین کە چۆن فۆڵۆوەرێکی ئاسایی دەبێتە کڕیارێکی متمانەپێکراو:
١. قۆناغی کێشکردن (Attraction): وا دابنێ تۆ ڕاوێژکاری بزنسیت. پۆستێک لە سۆشیاڵ میدیا بڵاو دەکەیتەوە بە ناونیشانی «٥ هەڵەی باو کە ڕێگرن لە زیادبوونی فرۆشەکەت». لە کۆتایی پۆستەکەدا دەڵێیت: «بۆ چارەسەری وردتر، پەرتووکێکی (PDF) کورتم ئامادە کردووە، دەتوانیت بێبەرامبەر دایبگریت».
٢. قۆناغی گۆڕین (Conversion): کەسەکە کلیک لەسەر لینکی ناو پۆستەکە دەکات و دەچێتە لاپەڕەیەک (Landing Page). لەوێدا داوای لێ دەکەیت تەنیا ناو و ئیمەیڵەکەی بنووسێت بۆ ئەوەی پەرتووکەکەی بۆ بنێریت. لێرەدا ئەو کەسە فەرمییەن لە «فۆڵۆوەر»ەوە گۆڕا بۆ Lead.
٣. قۆناغی پەروەردەکردن (Nurturing): دوای ناردنی پەرتووکەکە، تۆ زنجیرەیەک ئیمەیڵی سوودبەخشی بۆ دەنێریت. بۆ نموونە دوای دوو ڕۆژ دەپرسیت: «ئایا پەرتووکەکەت خوێندەوە؟ ئەمە ڤیدیۆیەکی تریشە کە یارمەتیت دەدات». لێرەدا تۆ متمانە و شارەزایی خۆت دەسەلمێنیت.
٤. قۆناغی فرۆشتن (Closing): دوای ئەوەی کەسەکە بە تەواوی متمانەی پێ کردیت، ئۆفەرێکی تایبەتی بۆ دەنێریت: «بەبۆنەی ئەوەی تۆ ئەندامی لیستی ئێمەیت، دەتوانیت بە %٢٠ داشکاندن ڕاوێژێکی تایبەتمان لەگەڵ ئەنجام بدەیت». لێرەدا فرۆشتنەکە زۆر ئاسان دەبێت، چونکە ئەو کەسە پێشتر بەها و سوودی لە تۆ بینیوە.
هەمیشە ئەوەت لەبیر بێت هەر براندێکی کەسیی و بازرگانی گەورە کە ئەمڕۆ دەیبینیت لە یەکەم Leadەوە دەستی پێکردووە.
ژمارەی Leadەکانت سەرمایەیەکی نەبڕاوەی براندەکەتن. ئێستا کاتی ئەوەیە چیتر کار لە دۆزینەوەی کڕیار نەکەیت بەتەنها بەڵکو کار لەسەر دروستکردن و کۆکردنەوەی Lead ی تایبەت بەبراندی کەسیی خۆت بکەیت.
پرۆگرامی کۆچینگی تایبەت
پرۆگرامێکی ڕاوێژکاری دووبەدووە، واتە تەنها بۆ کەسی بەشداربووە. یارمەتی کارسازان و کەسانی پیشەیی دەدات لە ڕێگای ڕاوێژی تایبەتەوە بە کاتێکی کەم براندیکی کەسیی پیشەیی بەهێز دروست بکەن.
پرۆگرامەکە بۆ کەسانی پیشەیی و کارسازانە کە دەیانەوێت گەشە بە براندی کەسیی خۆیان بدەن لە ڕێگەی گەشەدان بە توانای
Communion
Public Speaking/Speaking in front of camera
Brand Tone
Brand Story
Networking Strategies
لە ڕێگای دروست بەکارهێنانی سۆشیاڵ میدیاوە.
لە ماوەی کۆچینگەکاندا، فرەیمۆرکی تایبەت بۆ بەشداربوو دادەڕیژرێت و سەرچاوە و دۆکیۆمێنتی بۆ ئامادەدەکرێت بۆ ئەوی بەشداربوو لە پاش کۆچینگیش بتوانێت بەردەوام بێت لە فێربوون. هەروەها هۆموۆرک و واجبی پەیوەست بە فرەیمۆرکی خۆی پێدەدرێت و پاش کۆچێنت بۆ هەر هۆموۆركێک بە ئۆنلاین هەڵسەنگاندن و فیدباک دەدرێت بە بەشداربوو.
لە سەرجەم پلاتفۆڕمەکان فۆڵۆوم بکە
ئەم ناوەڕۆکە شەیر بکە لای خۆت
خوێنەری بڵاوکراوەکانی پێشوو بە
چۆن کڕیارەکانت بۆ هەمیشە دەهێڵیتەوە!
چۆن هەڵەیەکی بچووکی ئاراس لە مامەڵەکردن لەگەڵ کڕیارێکی کۆندا، بووە هۆی لەدەستدانی بەشێکی گەورەی قازانجەکەی؟ فێربە چۆن کڕیارەکانت دەهێڵیتەوە…!.
ئەگەر کێشەی کڕیارت هەیە، لەڕێگەی Leadەوە چارەی بکە
ئەگەر کێشەی کڕیارت هەیە، چیتر پارە لە ڕیکلامی بێسوود خەرج مەکە و فێربە چۆن (Leads) بۆ گەشەپێدانی براندەکەت کۆ بکەیتەوە.
بۆچی کارۆسێڵ زۆر گرنگە لە لینکدئین؟
لە جیهانی ئەمڕۆی سۆشیاڵ میدیادا، کارۆسێڵەکان بوونەتە بەهێزترین شێوازی پێشکەشکردنی ناوەڕۆک، بەتایبەتی لە لینکدئین. ئەم جۆرە ناوەڕۆکە پەیوەندییەکی قوڵتر دروست دەکات لەگەڵ بینەر، کە ئەمەش وادەکات ئەلگۆریزمی سۆشیاڵ میدیا بەهایەکی زیاتری پێبدات، لەم بڵۆگەدا بەوردی باسمان لە گرنگی کارۆسێڵ و ئەو ڕێنماییانە کردووە کە گرنگن بۆ ئامادەکردنی کارۆسێڵێکی کاریگەر.
چۆن چوارچێوە(فرەیمۆرک)ی 5-3-1 یارمەتیت دەدات لە دروستکردنی ناوەڕۆکی کورت و درێژ؟
چوارچێوەی 5-3-1 ڕێگاچارەیەکی زیرەکانەیە بۆ دروستکردنی ناوەڕۆکی کورت و درێژ بە هەوڵێکی کەمتر
زۆرێک لە کەسانی پیشەیی تەنها پشت بە ناوەڕۆکی کورتی سۆشیاڵ میدیا دەبەستن و ناوەڕۆکی درێژ پشتگوێ دەخەن.
ئەم چوارچێوەیە یارمەتیدەرە هەم لە ڕێگەی ناوەڕۆکی کورتەوە ئاسان بدۆزرێیتەوە، هەم لە ڕێگەی ناوەڕۆکی درێژەوە متمانە بنیات بنێیت.
چۆن لە ڕێگەی ناوەڕۆکی سۆشیاڵ میدیاوە متمانە بۆ براندی کەسیی خۆت دروست دەکەیت؟
لە جیهانێکدا کە زۆر دکتۆر، ئەندازیار، یان هەر پیشەیەکی تر کە هەن کەمینەن کە سەردەکەون چونکە فاکتەری ڕاستەقینەی سەرکەوتن متمانەی پیشەییـەتی.
بە بەخشینی بەهای بەردەوام، ڕەسەنبوون، و نیشاندانی شارەزایی لەڕێگەی ناوەڕۆکی سۆشیاڵ میدیاوە دەبیت بە سەرچاوەیەکی متمانەپێکراو لە بوارەکەتدا.
براند ئارکیتایپ : چۆن ١٢ جۆری کەسایەتی براند دەتوانن براندی کەسیی تۆ هەڵبسەنگێنن؟
هەر براندێک دەتوانێت ئەو کارەکتەرە بدۆزێتەوە کە لەگەڵ بەها و ئامانجەکانیدا دەگونجێت. کاتێک براندێکی کەسیی ئارکیتایپی دروست هەڵدەبژێرێت و لە هەموو قۆناغەکانی ژیانی کەسیی و پیشەییدا پابەندی بێت، نەک تەنها جیاواز دەبێت لە کەسانی دیکە، بەڵکو پەیوەندییەکی قووڵ و درێژخایەن لەگەڵ گروپی بەئامانجگیراوی دادەمەزرێنێت
Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.